Tasik itu memang merimbun.

Hye kawan-kawanku, saudara-saudara ku yang di hormati sekelian. SELAMAT DATANG ke Tasik Merimbun Betabun. Aku ada business baru geng. Aku buat business di Tasik Merimbun. Ceritanya, aku manang numbur ekur pala hucing dua mingu lapas eatah kana bagi ku Tasik Merimbun ah. Apa inda lumpat-lumpat ku atas katil luan iski, masuk 7 buah katil pulang udah ne beganti. Biasa heavy weight championship.

So ani kawasan kiri tampat tasik atu, siapakan menyewa call saja aku ah arah telepun ani (+6738928ghygb89ijkk). Kalau inda mau di telepun, ertinya rusak tah mubail kamu yang atu tu geng. Siapakan swimming, silakan. Jangan malu jangan hawaa. Sipun telanjang bulat kah, inda bulat kah, pesegi kah, bladar empat tingkat kah, susu damit setampik kah, di welcome ni di sini ah.

Di sini ada jua resort yang mewah & murah. Limited pulang tu aah, sebilik ganya tu. Inda bejamban, inda bekatil so harga promotion bulan ani $230 saja. Breakfast inda masuk tu ah, kalau kan makan rumput-rampai atu inda pulang di larang tu. Kana sediakan jua sebuah perau di siring atu, inda temasuk pengayuh tu ah. Kalau campur pengayuh, paksa membayar $60 tu, additional. Kira murah sudah ne kamu, baik tah siapa kan honeymoon atu lakas-lakas ah kemari. Karang rubuh resort ani, inda kamu sampat kemari.

Dalam perjalanan kamu ke Tasik Merimbun ani, kamukan meliat pemandangan yang lawa yoo. Kalaukan kemari, pakai kreta basar ah pasal jalan-jalanya banyak dalam. Bulih pulang pakai kreta damit, alamat melabui pulang tu macam perau kayak di siring lungkang. Suasananya pun nyaman, bersih, sajuk & munkan mau nyaman lagi buka tabuk kreta untuk menikmati angin dari luar atu. Tapinya kadang-kadang ada pulang bau taie tu on the way di jalan ah. So tahan-tahan sajalah. Kan ampir-ampir datang ke Tasik Merimbun, jalanya di atas bukit tu eatah nampak utan di bawah macam gambar di atas atu. Macam-macam binatang kamu bulih nampak tu terutama ambuk & baruk. Ada yang making, ada yang beromen, ada yang mengambati, ada yang mencari kutu babi untuk menyara hidup keluarga & macam-macam lagi lah. JANGAN BELENGAH-LENGAH LAGI, DATANGLAH SEKARANG (macam dalam radio).