Ngantat berian.

Assalamualaikum pada hadirin hadirat, pada 27 july 2008 abang GFku selamat mengantat berian nya arah bakal buninya. Nama abangnya 'Abang Didi' & bakal bininya 'Bibi'. Gambar di atas ani rumah durang GFku. Di dalam banar rumahnya yoo, on the way ke sana atu siuk lah pasal macam-macam kan di liat. Yang penting siuk, malas ku banyak cakap.

Gambar di atas ani gambar ku sama si Daus a.k.a Junksketch & Wafi. Aku sekerita sama durang dua mengaga jamputan abang GFku ani. Ada pulang kawanku lain yang kan datang, tapi angin. Last-last minit baru durang membagitau inda jadi. Inda manis kan tu. So, aku pun carry on saja. Siapa tu ah?

Gambar di atas ani inda banyak kan ku ceritakan. Sebalah ku atu GFku. Ea relek ganya, aku ani wah laun gumbira usulku atu. Kalah-kalah tuan rumah.

Ani berianya, apakah namanya ne belanja angus kah apa ne ah. Aku pun kurang pasti. Yang penting $5000 yoo. Ani yang ku angkat lah masa ke rumah bakal bininya atu. Nyaman rasanya mengangkat $5000 atu, ringan ganya rupanya pikir ku barat.

Bus biru ani tah yang mengangkut ahli-ahli keluarga bisdurang. Segala saudara, datu, nini, abang, adi, kaka, muyang, cucu, cicit, bapa, mama & semualah yang dalam family tree atu masuk ke dalam ani. Yang ada arrow smile atu eatah tampat GFku duduk awal-awal tu. Teliat kamu mukanya senyum lebar macam urang kana no. ekur didalam bus a2? Tapi inda batah atu kana keluarkan ea, sama adinya (si adib) & cousinya bini- bini seorang dari bus atu pasal full sudah. Masuk tia durang kekerita ku ikut sekerita ke Lumapas tampat bakal bini abangnya ani. Paling sakit lah siapa ikut kreta ku, sudah tah panas campur lagi driving laju. Jalan lagi inda berapa baik di Tutung atu, gagar-gagar jua segala angota-angota. Ada yang tehantuk ke siling kerita, ada yang paning, ada yang bekaras kan muha, sirih junjung abis belakapan pinangnya, ada yang koma & macam- macam lagi lah.

Kami duduk ani masa sudah sampai di kem di Lumapas. Hari inda berapa baik pasal ujan saja. Batah-batah kami menungu kan makan atu, kami pun begambar-gambar. Gambar sebalah kiri atu kira posing inda nampak kana gambar lah tu, tapi dalam hati iski kana gambar. Biasa model majalah MASKULIN kali ah. Dari kiri - Si Wafi, Aku (model MASKULIN contract 18 taun), Amin(adi GFku). Sudah selasai semua, kami pun mulih dengan parut yang buyung-buyung. Inda ulah, kanyang neh.

*kirim salam ku arah si Ayen yang pikirnya aku ke Tutung mengaga Tasik Merimbun atu. Eatah luan inda kan ikut.