Ayam oh ayam.

Ni nah di malam (22.7.08) nda ingat pukul berapa, eatah kadiaku kana suruh belajar cara memutung hayam. Buring jua tu, apa inda marung-marung muha ku. Step-stepnya ada ku ingati sedikit-sedikit lah. Mula-mula minjam pemarang nini-nini kamu, pastikan yang tajam ah. Kalau inda tajam, mulihkan semula & bagi tau arahnya membari gali pemarang kita ani ja. Lapas atu ambil surat khabar lama untuk melapik tampat menatak & sebuah sesaban aji gaban aji gamis. Kalau memutung hayam ani syaratnya misti ada seorang anak ke-empat dari lima orang anak, bapa & ibu. Mun nada, inda tah dapat memutung tu pasal indungku membuat cematu dimalam.

next step.. .. ..

(gambar di atas) Part ani sanang sedikit ne, tatak-tatak saja tia ingin-ingin ati. Tatak tungking hayam balah sepuluh kah apakah, mana saja kamu. Paha kamu pun buleh jua, paha kawan kamu kah siapa saja lah.

(gambar di atas) Part paling penting, buang segala kulit ah. Salah satu cara diet ne. Buang semua isi-isi parut, taie, cincin, rantai, susuk yang di pakai uleh hayam atu.

(gambar di atas) Cheeeeennnng jeeeennnggg! Siap lah sudah semua segment tatak menatak ani. Sanang kan mutung-mutung ayam ani. Kata GFku, baik tu pandai mutung ayam sendiri ah pasal kalau dikadai mahal mun ayam yang sedia kana putung atu. Ikut saja step paling berguna dari kadiaku atu ah. Semoga berjaya.