Jinis membalas.

Ani sambugan cerita yang ku post di bawah ah. Pasal kucing garong atu yang kurang ajar tapi inda ganas ah. So cemani ceritanya, ada ku mangil kucing lagi, geng ku pulang ne ea ani. Teiat kamu kan kucing tiga warna arah gambar bawah ah. Namanya Aji Jusli Ampuan Kamis Kucing kuat pengkalan batu. Nama panggilanya 'Jusli Pengkalan' plg ne. Tadi pagi ku menelipun ea pasal kan membagi tau case ku ah, aku minta depinkan arahnya. Inda sampai setangah minit datang tia dangan motonya Yamaha R678oneSEBEN yang max speednya laju lagi urang inda bebatis belari ah. Bunyi ekzos nya lagi kan tampik bumi ulehnya. Walaupun badanya damit SI Jusli ane, tapi kaaas. Jinis menganu bah ea ani, jinis bebissa, jinis mematuk, jinis mengambat, jinis membari ijap lah. Semua jinis ea ada ne. Nya urang tetua 'iting nya alum bepapat' eatah bissa. Ok, ku sambung cerita ku lah

Dalam pukul 8 atu dtg tia ea ke rumah, inda lagi makai baju apa tu. Relek ganya, inda pakai selipar. Mencari-cari ea ne kucing kurang ajar ah, toleh kiri kanan. Eatah teriak-teriak ea memangil "ui kucing inda membari ijap, mana kau??? pacah kaang muha mu atu mun kau inda keluar".

Sekali inda batah atu kejumpahan tia kucing kuning yang kurang ajar arah ku atu. Nya si Jusli arah kucing kuning atu "Whooiiii badan bebulu misai panjang talur-taluran tapi inda ganas, berani jua kau kurang ajar arah si Pie ah kau bagi batis pulang. Rusak karang buah pingang mu atu uleh ku eh! Jangan kau macam-macam. Walaupun badanku damit, mun ku mendaup muha mu atu pacah jua uleh ku". Kucing kuning ani diam ganya memanjang kajar-kajar belaieng-belaieng mata.

Inda batah atu lari tia kucing kuning atu nangis-nangis sidak-sidak keluar ingus. Si Jusli ani masih bekaras "ui jinis bebulu ketumpahan kunyit, ngapa lari?!? Takut kah?!? Ku umban kau karang pakai selipar jipun merah sais 9 ani eh! Kejumpahan kau di gadong siap kau! Becuci darah kau 3 kali semingu di spital rimba uleh ku! Ku intai banar kau ne dasar pundan KK". Sudah atu selasailah rundingan, kucing kurang ajar atu inda lagi berani kan ngacau-ngacau lagi. Lapas breakfast sama si Jusli, tarus tia ea balik membawa moto damitnya atu. Sekian.