Mengantat Berian - Abang Kujik 8.8.2008

Bermulanya kisah ani di rumahku lah. Di sini tah mula-mula spot mengantat berian atu, pasal couzinku (Abang Kujik) pakai rumah kami. Rumahnya di temburung, untuk menjimatkan masa and sanang berusah eatah pakai rumah kami saja di BSB ani. Tiga urang di atas atu urang kuat Temburung tu taun 1908 (atu kelasik nostalgia). Ikut perang badar ni durang ah lagi daulunya. Bah bukan kan masa becerita sejarah ne ah, aku becerita pasal apa yang ada masa mengantat berian atu.

So ani barang, barang yang kan di antat arah balah bini-bini. Malas ku kan membagitau apa barang-barangnya, silap-silap mun ku rajin karang ada ku bagi tau sampai ingredientnya sakit tangis-tangis kamu membaca.

Ani barang- barang yang penting, musti di dulukan & check banar-banar ne. Sampai biri kawalan nakotik ne di suruh mencheck.

Itu dia Abang Kujik pakai baju putih, ready kan bejalan arah balah bini-bini untuk nikah. Semangat bah itu.

Barang berian yang sudah besusun dalam kerita kesayangan ku. Mun nada kerita ani nada cousinku ani beberian.

Kami konvoi beramai kan ke distinasi yang kan di tuju iaitu BERAAAAKAAS KEEEEMMM~ (macam dalam gelangang boxing). Ramai kami ne bekerita, ada dalam 2098 buah kerita kali. Kali lah, inda jua ku mengira banar-banar.

Itu dia wajah-wajah happy terlambai-lambai macam peserta kawat di BEJING. Senyum-senyum nya laju jua driving. Mun ambuk melintas, tau ea kan senyum telambai-lambai eyh.

Kekerasanku dengan sirih cap junjung ku di sebelahku membuatku baku. Apakan? Pacah kali si anu ani.

My little sister senyum melibar sedikit dapan camera.

Keadaan dalam rumah balah bini-bini.

Eh siapakan tu? Alah bida wah begambar ah. Inda ku paham urang Brunei masa ani.

Manis banar ni bisdurang ani. Baru ya, inda mau-mau kan masuk ke gambar. Yang seorang memigang camera atu tah yang bisai, sibuk-sibuknya mengambar pun masih juakan munjung-munjung posing begambar.

Cousinku ni tiga urang sebaris ah. Mengontrol macho lah masa begambar atu. Aku lek sha.

Pengantin laki-laki merasaie damam kah inda bininya ani.

Ani durang main carah tangan. Nada deh, ani masa Abang Kujik masukan cincin arah tangan bininya.

*tahniah Bang Kujik, SELAMAT PENGANTIN BAHARU!