Bandar Seri Begawan, malam, pukul around lingkungan kira-kira 6pm-10pm lah tu. Sempena birthday sultan kitani ani, aku sama GFku, kaka dina & suami, kaka mimi tanpa suami dan adik bejalan-jalan perayaan dibandar ah. Punyalah ramai yow, sampai alak-alak punya isi dalam usus jantung begisil bah. Walaupun ujan, kakal jua amai dangan di bandaa atu. Inda ku paham urang brunei ani ah, semangat dalam jantung bisdia atu kali lah punya pasal. Soo, tadi aku jalan ali-ali sama GFku.- Membali longan(all time pebret) - $3.
- Kebab ayam dua & daging satu - $5.
- Tungking hayam dua - $2.
- Sutung tutuk- $1.
- Minuman 100plus & milo bekaut - $2.
Soo semua sekali belanja kami dalam $50 lah(penipu). Sebenarnya bukan penipu, ngalih ku bah kan mengira atu. Kadikamu bijak bistari atu agatah kira. Kami makan dalam kerita lah, beidang buat macam bilik makan. Menabalkan muha lah saja pasal urang lain kuai lintas meliat kami show makan dalam kerita. Atu sja kali cerita ku 1st melawat garai dibandar taun 2008 ani.
No comments:
Post a Comment