Cerita kaling-mengaling aku, apis & dipsy.

Okey kamu-kamu,aku ada sebuah cerita. Mula-mula si apis membawa aku & dipsy bejalan di malam (20.7.08). Katanya ada kawannya kan belanja makan, so aku pun ikut lah. Iski sudah ne, kambang-kambang bulu paha rasanya luan iski banar. Jadi bejalan tah kami ani (aku, apis, dipsy) sekerita ganya. Kira-kira pukul 8pm sampai lah kami di food court di Gadong Property (luruskah ejaannya atu). Dengan iskinya aku masuk sampai telapas cincin ditangan ah luan kajar-kajar pasal kn kana belanja ani. Kejarangan bah ni, eatah gementar sedikit. Sudah sampai ke meja makan & duduk with kawan si apis ani kan mengoder sudah ne meliat menu, sekali kana bawa tia kami ani becakap uleh kawan kepada kawan si apis ani. Rupanya banyak kawan di bawanya. Becakap lah kami ani cerita-cerita, then durang kawan si apis & kawan kepada kawan si apis ani rupanya mengaling kami. Durang memperkenalkan cara-cara durang bebisness. Pakai teknik Robert kakaski lah, System 21 lah apalah. Yang penting membari gali lah. Tau jua kamu kali tu yang tani melabur jadi member then cari lagi urang di bawah-bawah tani untuk jadi anak buah tani atu bah. Pengalar ku bisness penipu tu, anu jinis membari kaya urang atas. Inda buduh dari mana tu (mental). Lapas siap berunding tarus kamu chaw pasal parut lapar inda jadi kana belanja uleh si penipu atu, mengantar si dipsy dulu baru tah mulih kerumah.
Soooo, cerita ku yang banar-banar ani kan membagitau cemana kami membuang sasak pasal kana kaling ani. Si apis kana bagi CD pasal business ani yang harganya $8 (betanda arah CD), kana bagi for free yoo. Nda pulang ku pasti tu ah, usulnya macam kana pinjami jua ulih yg membuat bisness barigali atu. Apa yang kami buat arah cakra padat atu ada ku liatkan arah gambar di kiri atu. Kami bebmuat keraja bepahala ani masa arah rumah si dipsy. Pada yang ada kes cemani, harap mencuba ah.

Step 1 - Gasa-gasakan kelantai sampai garit mengarit.

Step 2 - Patahi cakra padat tersebut sedikit sahaja.

Step 3 - Bahagian yang basar atu di lipat-lipat sampai inda lagi nampak usul
cakra padat.

Step 4 - Bagi cakra padat atu smoke some weed. Biar jadi buduh-buduhan.

Step 5 - Sudah ea buduh, di indik tia kepalanya sampai lati smpai lumat
sampai jadi bangkai.

Step 6 - Berpusa hati pasal cakra padat original abis kami kerajakan yang
harganya $8 yang kana bagi uleh urang-urang inda berapa
atu .

Atu sja cerita kenangan paling barigali bagi kami betiga. Selamat mencuba ah. Teknik kami pakai ani teknik Robot J. Pakaski pala utak mamanya ne. By the way, aku panas pulan masa ani, baik tah ku beranti di sini dulu ah. Inda pedah-pedah pacah laptop ani karang ku bukut. Out dulu
geng..

*untuk si apis - terima kasih ah, lain kali lagi ku ikut kau bejalan. Mun ada kawanmu belanja lagi bagi tau saja aku. Im on it!